Қазақ тілі мен әдебиеті пән бірлестігінің онкүндігі

Общеобразовательная средняя школа №51нде 2024 жылғы февраль айының 05-16 аралығында "Тіл - ұлттық құндылықтың негізі" атты қазақ тілі мен әдебиеті пәні бірлестігінің онкүндік іс-шарасы болып өтті. Онкүндік 05 февраль күні салтанатты түрде ашылды. Сол күні ұлттық киімдер күні ұйымдастырылып, мектептің фойесіне ұлттық тағамдар қойылды, оқушылар мен мұғалімдерге жұмбақтар жасырылды. Биылғы жылы мерейтойы болатын қазақтың ақын-жазушыларының есімдері мен шығармаларына шолу жасалды. Онкүндік жоспары таныстырылды. Онкүндік барысында бірлестіктегі мұғалімдер ашық сабақтар көрсетті. Сонымен қатар сыныптан тыс іс-шаралар да ұйымдастырылды. 7-8 сыныптар арасында "Мен елімнің ертеңімін" тақырыбында эссе байқауы, "Бүгін менің туған күнім, ой, пәлі-ай!" тақырыбында "Мұқағали оқулары" байқауы, "Шешеннің сөзі - билердің көзі" тақырыбында шешендік өнер сағаты, Шәкәрім Құдайбердіұлының туғанына 165 жыл толуына орай  "Шәкәрім өсиеті - адалдық айнасы" тақырыбында әдеби-сазды бағдарлама өткізілді.