03
август
2023
Біздің мақтанышымыз
Мектебіміздің мақтанышы 10 а-сынып оқушысы Ғалиқызы Құралай жазғы демалыс кезінде Америка Құрама штатындағы Virginia Tech университетінде 1 ай оқып келді. Ол 2022 жылы декабрь айында іріктеуден өтіп, Қазақстаннан мұхиттың арғы бетіне оқуға жолдама алған 3 оқушының бірі болып, жүзден жүйрік атанған болатын. Бұл университетте алгоритмдік музыка және вебсайт жасау мамандығы бойынша білім алып, Java, CSS, HTML және EarSketch бағдарламаларын терең меңгеріп келді. Ол жақта Құралай Қазақстанның талантты да білімді оқушысы екенін дәлелдеп, еліміздің, қала берді Шымкент қаласындағы Общеобразовательная средняя школа №51нің атын абыроймен таныстыра білді. 03 август айында Құралайды Шымкент әуежайынан мектеп директоры мен директордың орынбасарлары, сынып жетекшісі мен пән мұғалімдері, сыныптас достары күтіп алды. Шымкент телеарнасы Құралайдан сұхбат алып, репортаж дайындады. Құралайға алдағы өмірде биік белестерді бағындыруды тілейміз!
