«Жұлдызды 30 күн» іс-шарасына «ТЫНЫШ ҚАЛА» акциясы аясында ұйымдастырылған кездесу
№51 жалпы орта мектебінде 2021 жылдың 26 қарашасында Қазақстан Республикасы Тәуелсіздіктің 30 жылдығына орай «Жұлдызды 30 күн» іс-шарасына «ТЫНЫШ ҚАЛА» акциясы аясында ұйымдастырылған кездесу кешінің бағдарламасы
Кеш мектептің акті залында өтеді.
Жүргізуші:
-Қайырлы күн, құрметті қонақтар, ұлағатты ұстаздар мен оқушылар!
Жүргізуші:
Қказақстан Республикасы Тәуелсіздігіміздің 30 жылдығы қарсаңында «Жұлдызды 30 күн» айдарымен мектебімізде ұйымдастырылып отырған «Тыныш қала» акциясы аясында «Құқықбұзушылық және заңды жауапкершілік» тақырыбындағы іс-шарамызға қош келдіңіздер!
Жүргізуші:
Қазақ халқы азаттық үшін талай қиындықты бастан кешірді. Бірақ ешқашан мойымады, күресе білді. Азаттық таңы ататынына кәміл сенді. 1986 жылғы Желтоқсан оқиғасы халық есінде мәңгі сақталады.
Жүргізуші:
16 желтоқсанда қазақ жастары Орталық алаңға шығып, Тәуелсіздік үшін жандарын құрбан етті. Олардың ел үшін еткен ерен ерлігі халық жүрегінде мәңгілікке сақталады. Осы Тәуелсіздікті ата-бабаларымыз сан ғасырлар бойы арман етті. Ата-бабаларымыздың арманы 1991 жылы орындалды. Тәуелсіздігімізге биыл 30 жыл толып отыр. Тәуелсіздігіміздің 30 жылдығы құтты болсын!
Жүргізуші:
Мектебіміздегі бүгінгі іс-шарамыздың мақсаты – оқушыларға қылмыс ұғымын және түрлерін, қылмыс жасаған жағдайда азаматтарға берілетін жазалар туралы, құқықтың барлық салаларын құрметтей отырып, заң алдында барлық азаматтардың теңдігі, ешкімнің ар – намысына тимеуге және балағаттауға, бөтеннің мүлкіне қол сұқпауға, сонымен бірге оқушыларға құқық бұзушылықтың алдын алуға, құқық бұзғаны үшін кінәлі азаматтардың заң бойынша жауапқа тартылатындығы туралы түсіндіру.
Жүргізуші:
Бүгін бізде қонақта Шымкент қаласы Абай полиция бөлімі бастығының орынбасары полиция подполковнигі Бағдат Жәнібекұлы ортамызда.
Жүргізуші:
Бағдат Жәнібекұлы бүгінгі «Құқықбұзушылық және заңды жауапкершілік» тақырыбындағы іс-шарамызға уақыт бөліп келгеніңізге үлкен алғысымызды білдіре отырып, бүгінгі кешімізді аяқтаймыз.
1-жүргізуші:
Еліміз аман, жұртымыз тыныш болсын! Тәуелсіздігіміздің тұғыры биік, мәртебесі асқақ болып, көк байрағымыз биікте мәңгілікке желбірей берсін! Тәуелсіздігіміздің 30 жылдығы құтты болсын дейміз.
«Тәуелсіз елім» әні. Орындайтын Әшим Қарақат
Бағдарламаны дайындаған: М.Саржанова
