№51 ЖОББМ ӨТКЕН АТА-АНАЛАР ЖИНАЛЫСЫ

№51 жалпы орта білім беретін мектебі коммуналдық мемлекеттік мекемесінде 2022 жылдың 18 ақпаны күні болып өткен ата-аналар жиналысының  

ХАТТАМАСЫ

      Қатысқандар 

1. Мектеп әкімшілігі
2. Ата-аналар - 52

Күн тәртібі:

1. І жартыжылдықта өткізілген тәрбиелік іс-шаралар туралы.     Г.Кудайбергенова
2. Ата-аналар комитетін сайлау.                        А.О.Ешентаев
3. Оқушыларды ыстық тамақпен қамту.            И.Абдраймова
4. Оқушылардың сабаққа қатысуы, тәртібі туралы.         Г.Кудайбергенова
5. Әр түрлі мәселелер 

Тыңдалды 

     Күн тәртібіндегі бірінші  мәселе бойынша І жартыжылдықта өткізілген тәрбиелік іс-шаралар туралы директордың тәрбие ісі жөніндегі орынбасары Г.Кудайбергенова сөз алды. 2021-2022 оқу жылында оқушылар арасында тәрбиенің 8 бағыты бойынша түрлі іс-шаралар жоспар бойынша өткізілді. Осы іс-шараларға оқушыларымыз қатысып өз өнерлері мен білімдерін ортаға салып жатқандығын айта келе, ата-аналарға қолдау көрсеткендері үшін өз алғысын айтып өтті. Әр ай сайын ер балалар мен қыз балалар арасында «Құқықбұзушылықтың алдын алу», «Ерте жүктілікті болдырмау», «Зорлық зомбылықты болдырмау», тағы да басқа күн тәртібіндегі мәселелер бойынша  басқосу отырыстары болып тұратындығын айтып өтті. Қазіргі таңда оқушыларымызға барлық жағынан жағдай жасалынып жатқанын, мектептің ішкі тәртіп ережесіне бағынуға, құқық бұзушылыққа жол бермей оқушыларды тәрбиелеп жатқандығын айтып өтті. Әр ай сайынғы түрлі мерекелерге оқушыларымызды белсене қатысқандары үшін мақтау қағазымен марапатталатындығын айтты. Күн тәртібіндегі «Құқық бұзушылықтың-алдын алу – басты міндет» бойынша тәрбие сағаттары 1-11 сынып оқушылары арасында өтілді. «Жасөспірім және заң» Құқық бұзушылықтың алдын-алу бойынша әңгіме, сайыс, дөңгелек үстел өткізілді, «Жасөспірім және көше» рейдтік іс-шаралар жүргізіліп, төмендегі шаралар бойынша қадағалау жүргізілді:

1. Сабақтан себепсіз көп қалатын және тәртіп бұзатын оқушылардың үйіне бару. 

2. Кешкілік уақытта оқушылардың жүрмеуін қадағалау; 

     Күн тәртібіндегі келесі мәселе бойынша мектеп директоры А.О.Ешентаев сөз алды. Биылғы оқу жылы барысында ата-аналар комитетінің төрайымы Тұрсынай Ережепова денсаулығына қарамастан мектептің оқу-тәрбие жұмыстарын ұйымдастыруда өз үлесін қосып, көптеген іс-шараларға қатысып отырғандығын айтты. Қаңтар айында ата-аналар комитетінің төрайымы Т.Ережепованың қайтыс болуына байланысты, көңіл айта отырып,  ата-аналардың арасынан, осы жұмысты әрі қарай жалғастыру үшін ата-аналар комитетін сайлау керек екендігін айтып өтті. 

Жарыс сөзге ата-ана Жумжаев Адилбек шығып, өз пікірін білдірді. Ата-ана өз сөзінде ата-аналар комитетінің мектеп өмірінде алар орнының ерекше екенін айтып өтті. Қазіргі кезде қоғамда болып жатқан жағдайларға өз алаңдаушылығын білдіріп, жасөспірімдер арасындағы құқық бұзушылықтың алдын алу үшін ата-аналар мен мектеп болып бірлесіп жұмыс жасау керек екендігі туралы айтыла келе, осы бойынша ата-аналар өз ойларын ортаға салып талқылай  отырып, бірауыздан ата-аналар комитетенің төрағасы етіп Үсенов Исахан Мұсахановичті,

мүшелеріне Мергенбаева Кенжегүл Кубеевнаны, Жақсыбаева Бақтықыз Сұлтанқызын ұсынып, сайлады.

 Сайланған кісілерге сәттілік тілеп, мектебіміздің оқу-тәрбие жұмыстарының талапқа сай өтілуіне және оқушыларымыздың саналы тәрбие алуына өз үлестерін қосатындықтарын айтты. Мектеп басшысы құттықтап, сәттілік тіледі.

Күн тәртібіндегі үшінші мәселе бойынша «Оқушыларды ыстық тамақпен қамту» туралы И.Абдраймовасөз алып  былай деді. 2022 жылдың қаңтар айынан бастап бастауыш сыныптың оқушылары ешқандай әлеуметтік жағдайларына қарамастан 100 пайыз ыстық тамақпен қамтылғандығы туралы айтып өтті. 5-11-сынып оқушылары арасында АӘК алатын ата-аналардың балалары мен жағдайы өте төмен, жартылай жетім оқушылардың ыстық тамақпен қамтылған. Оқушыларға беріліп жатқан ыстық тамақты арнайы комиссия мүшелері қадағалап отыратындығын айтып өтті.

Жарыс сөзге ата-ана Мұздыбаева Зульфия шығып. Өз ойын былай   жеткізді. Қазіргі таңдағы   оқушыларға беріліп жатқан ыстық тамақтың сапасының жақсы екенін айта келе, каркадэ сусынын көп бала сүйсініп ішпейтінін және шәйға лимон қоспаса және каркадэ сусынының орнына түрлі тосап (компот), сусын (сок) берілсе деп өз ойын айтты. 

Күн тәртібіндегі төртінші мәселе бойынша оқушылардың сабаққа қатысуы, тәртібі туралы мектеп директорының тәрбие ісі жөніндегі орынбасары Г.Кудайбергенова сөз алды. Оқу жылы барысында мектебімізде мүлде сабаққа келмей жүрген оқушының жоқ екенін, алайда сабақтан «ұйықтап қалдым» деген сылтаумен кешігетін оқушының кездесетінін айтты. Сондықтан бірінші ауысымда оқитын оқушылардың ата-аналарынан таңертең ерте баласын ұйқыдан тұрғызып, тамақтандырып, оқу-құралдарына, мектеп формасының дұрыстығына назар аударуы керек екендігін айтты. Қашықтықтан оқып, еркіндікке үйренген балалар, мектептің ішкі тәртіп ережесіне үйрене алмай жатқандығын тілге тиек етті. Баланың аты бала. Дегенмен ата-ана баланың тәрбиесіне немқұрайлы қарамай, баланың барлық іс-әрекетіне бақылау жасап отырғаны жөн екендігін айтты. Баланың дұрыс адам болып қалыптасуына ата-ана, мектеп, оқушы болып, бірлесе отырып жұмыс жүргізсек, жақсы нәтиженің болатынына сенетіндігін айтты. 

Жарыс сөзге ата-ана Пахриддинова Наргиза шығып өз ойын былай деп жеткізді. Ия, қазіргі таңда балаларымыздың оқуға деген ынтасынан гөрі ұялы телефонға деген қызығушылығы басым екендігін, телефон арқылы түрлі құқық бұзушылыққа баруы мүмкін екендігін және ата-ана баланың білім алуына, тәртібіне бақылау жасап, қадағалап отыру керектігін айтты. Ата-ана, оқушы, мектеп ұстаздары болып бірлесе атқарылатын іс-шараларды қолдайтынын және өзі де үлес қосатынын айтты.   

   Күн тәртібіндегі мәселеге байланысты мектеп медбикесі Д.Калходжаева сөз алды. Ерте жүктілік деген не?Ерте жүктілік деп 13-19 жаста болатын жүктілікті айтады. Осы уақытта қыз балаларда өтпелі жас кезеңі басталып, гормондық қайта құрылу жүреді. Медицинада                  18 жасқа дейін болған жүктілік ерте жүктілік деп саналады. 

Ерте жүктілік немен қауіпті?Жүктілік кезінде ағза  күшейген тәртіпте жұмыс істейді – жүрек-қан тамыры, эндокриндік жүйе және ішкі органдарға үлкен жүктеме артылады. Бұның қиындығы жасөспірімнің гормондық қайта құрылуы жүктілік қайта құрылуға жүктелгені. Жас аналарда көбінесе плацентарлық тапшылық, анемия, токсикоздар болады. Қыз балалардың ағзасы осындай жүктемелерге әзір емес екендігін айтты.

        Қаулы:

1. 2. Ата-аналар комитетінің төрағасы болып Үсенов Исахан Мұсаханович бекітілсін, міндеттері түсіндірілсін.
2. 3. Оқушыларға берілетін ыстық тамақты арнайы комиссия құрамы тарапынана қадағалансын.
3. 4. Оқушылардың сабаққа қатысуы мен тәртібі, ата-аналар мен мектеп тарапынан бірлесе отырып жұмыстар             жүргізілсін.
4. 5. Оқушылар арасындағы тәрбиелік іс-шараларға ата-аналар қатыстырылсын.

          Директордың тәрбие ісі                                 Г.Кудайбергенова 

           жөніндегі орынбасары                                   

                Хатшы                                       Д.Мырзахан