№51 ЖОББМ Қыздар жиналысының хаттамасы

№51 жалпы орта мектебінде 2022-2023 оқу жылында «Аналар-әжелер» мектебінің Қыздар кеңесінің желтоқсан айында қыз балалармен өткен жиналыстың

Хаттамасы

  Қатысқандар:                                                                                                                       

1. ДТІЖО – Г.Кудайбергенова

2. Мектеп медбикесі – Д.Қалходжаева

3. Мектеп психологы – Э.Пайзханова 

4. Сынып жетекшілер

Күн тәртібі

1. Жарты жылдық қорытынды есебі. 

2.     Ерте жүктіліктің алдын алу 

3.     Кибербуллингтің алдын алу. Буллинг.

Мақсаты: «Буллинг» сөзінің мағынасын ашу, таныту; Жасөспірімдер арасындағы қорлау, мазақтау, намысқа тию жағдайларын алдын алу;

Тыңдалды: 

ДТІЖО: Г.Кудайбергенова сөз алып, Қазіргі заманда қыз тәрбиесі мен ұл тәрбиесіне ерекше мән беруді қажет етеді. Буллинг (bullying) – ағылшын тілінен аударғанда, қорлау, қудалау, мазалау дегенді білдіретіндігін – айтты. Сізге әлеуметтік желіде біреу «әдемі емессіз» тағы да басқа жағымсыз пікірлер білдірсе бұл кибербуллинг болып саналатындығын - айтты. 

Буллингпен қоса жүретін Кибербуллинг (электрондық кеңістікте қудалау, онлайн қатыгездік) – бұл өзін-өзі қорғай алмайтын құрбанға қарсы бағытталған, электрондық жолмен әрекеттесу жолдарын қолданумен жалғыз немесе бір топ адам жүзеге асыратын ұзақ уақыт бойы жүйелі қуадалаудың, қасақана агрессияға толы әрекеттердің бір түрі. Бұл смс-хабарламалар, әлеуметті желілер, абыройды төгетін веб-парақшалар ашу немесе қорлайтын, тіл тигізетін бейнеконтент жариялау арқылы, т.б. жолдармен жасалатындығы түсіндіріліп, интернет желісін қолдану шарттары айтылды.

2.Мектеп психологы Э.Пайзханова сөз алып, Кибербуллингтің белгілері қандай? Балаңыз сыртқа шығудан қорықса; 

Достарымен кенеттен араласпай кетсе;

Оқу үлгерімі төмендеп, сабақтан сұранып кете берсе; 

Ақша сұрай берсе;

Ерекше тұйық болып қалса;

Нашар ұйықтаса;

Үлкендермен жақын болуға тырысуы осының бәрі кибербулинг болатындығын айтты..

Кибербуллингтің алдын алу мақсатында, оқушыларымыздың арасында алдын алу мақсатында сауалнамалар алынып жатқандығын айтты. «Миға шабуыл» әдісі арқылы оқушылардың көзқарастарын біліп, ойға шақырылды. Жасөспірімдер арасында белең алып отырған тәртіпсіздіктерден сақтану жолдары айтылып, жағдаяттар ұсынылды.

3.  Д.Қалходжаева  «Ерте жүкті болудың зияны?» жөнінде сөз қозғады. Медицинада 18 жасқа дейін болған жүктілік ерте жүктілік деп саналады. Кәмелетке толмаған жастардың 40-60% ерте жыныстық қатынасқа түседі. Солардың ішінде 10% 14жасқа толмаған жасөспірімдер. Статистика бойынша бойжеткен кезіндегі жүктіліктің 70 ℅ абортпен,15℅ түсікпен және тек 15℅ босанумен аяқталатыны белгілі. Осы 15℅ босанудың өзінде ана мен бала өлімінің қатері көп екендігін айтты.

Шешімі: