СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ
№51 жалпы орта білім беретін мектебінде 2021-2022 оқу жылында ақпан айында өткізілген сыбайлас жемқорлыққа қарсы іс-қимыл жиналысының хаттамасы
Қатысқандар
- 1. Мектеп директоры А.О.Ешентаев
- 2. Директордың тәрбие ісі жөніндегі орынбасары Г.Кудайбергенова
- 3. Қазақстан Республикасы Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бас маманы Әлжанова Жазира
- 4. Шымкент қаласының ауыл шаруашылығы және ветеринария басқармасының агроөнеркәсіп кешенін дамыту бөлімінің басшысы Тоғай Жәнібек
- 5. Шымкент қаласының ауыл шаруашылығы және ветеринария басқармасының бас маманы Ерсаин Ақтоты Бауыржанқызы
- 6. Шымкент "Жол-көлік" колледжі директорының орынбасары Ешимов Берік Рақыманбердіұлы
- 7. Шымкент қаласы, Абай ауданы әкімі аппаратының әлеуметтік қорғау, мәдени даму және мемлекеттік қызметтер бөлімінің бас инспекторы - Арғынғазиев Бауыржан Батырғазыұлы
- 8. Абай ауданы, Қатынкөпір шағынауданы, Тельман бөлімшесінің ауыл биі және Қатынкөпір шағын ауданы бойынша "Қоғамдық бақылау кеңесінің" төрағасы - Ғазиев Ергеш Сайтмұратұлы
- 9. Шымкент қаласы Абай аудандық өзбек этномәдени бірлестігінің төрағасы- Алимкулов Илхом Ибадуллаевич
Күн тәртібінде
- 1. Сыбайлас жемқорлықтың алдын алу
- 2. Ауыл шаруашылығына бөлінген субсидия және жеңілдіктер туралы
- 3. Абай ауданында этносаралық қатынастарды нығайту, әртүрлі этнос жастарының арасындағы құқықбұзушылықтың алдын алу
Тыңдалды
Күн тәртібіндегі мәселе бойынша Қазақстан Республикасы Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің бас маманы Әлжанова Жазира сөз алды.
Сыбайлас жемқорлықтың мемлекеттің бәсекеге қабілеттілігін едәуір төмендететіні, қоғамда демократиялық қайта құруларды жүзеге асыруды тежейтіні, елдің халықаралық беделіне көлеңке түсіретіні белгілі. Ең бастысы - адамдардың қоғамның демократиялық негізіне деген сеніміне, заң мен әділдікке деген сеніміне, түптеп келгенде, билікке деген сеніміне кері әсер ететіні хақ.
Сыбайлас жемқорлыққа қарсы стретегияның негізгі басымдықтарының бірі – сыбайлас жемқорлыққа қарсы мәдениет деңгейін қалыптастыру болып табылады. «Сыбайлас жемқорлыққа қарсы іс-қимыл туралы» Қазақстан Республикасының Заңында «сыбайлас жемқорлыққа қарсы мәдениетті қалыптастыру – сыбайлас жемқорлыққа қарсы іс-қимыл субъектілерінің қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту бойынша өз құзыреті шегінде жүзеге асыратын қызметі» деп түсіндірді.
Күн тәртібіндегі мәселе бойынша Абай ауданы, Қатынкөпір шағынауданы, Тельман бөлімшесінің ауыл биі және Қатынкөпір шағынауданы бойынша "Қоғамдық бақылау кеңесінің" төрағасы - Ғазиев Ергеш Сайтмұратұлы сөз алды.
Қазақстан көп ұлтты мемлекет болғандықтап, біз тұрып жатқан Абай ауданы, Тельман бөлімшесінде қазақ, өзбек, әзербайджан т.б ұлт өкілдері тұрады. Тәуелсіздік алғаннан бастап, біз әртүрлі этностар арасындағы келісімді сақтай алдық.
Ұлтаралық қақтығыстардың орын алуына жол бермедік.
Елімізде қазақтардың саны көп болғанымен, біз басқа халықтарды кемітпейміз, керісінше, оларға өз мәдениетін, тілін және дәстүрін дамытуға мүмкіндік жасаймыз.
Әрбір ұлттың дінін, тарихи мұрасын, және әдеп-ғұрпын құрметтеп, оларға шыдамдылықпен және түсінушілікпен қарауымыз керек.
Өйткені, қоғамдағы тұрақтылықты сақтау, мемлекетіміздің ішкі саясатының негізгі бағыты болып табылатындығын айтты.
Осы орайда жарыс сөзге №51 жалпы орта білім беретін мектебінің зейнеткері, қамқоршылық кеңесінің мүшесі Жылқыбаев Сәрсенбай Ғазиев Ергеш мырзаның сөзіне қосылатындығын айтты. Қазақстан мемлекеті көп ұлтты мемлекет, бір көк тудың астында тату тәтті өмір сүріп жатқандығын, және мектебімізде барлығы ауызбершілікте екенін айтты.
Күн тәртібіндегі мәселе бойынша Шымкент қаласының ауыл шаруашылығы және ветеринария басқармасының агроөнеркәсіп кешенін дамыту бөлімінің басшысы Тоғай Жәнібек сөз алды. Абай ауданы, Катын көпір, Телман бөлімшесінің тұрғындарына субсидия жайлы және жеңілдіктер жайлы айтып өтті. Тұрғындармен мал шаруашылығы және онда жеңілдіктер жайлы түсіндіріп өтті.
Қазақстанның агроөнеркәсіптік кешенін дамытудың мемлекеттік бағдарламасына субсидиялау ісіне ерекше мән беріліп жатқандығын айтты. Алдағы бесжылдық жоспарда да, нақты өзгерістер енгізіліп, демеуқаржыны үлестірудің тиімді жолдарының бекітілмек екенін айтты.
Ауыл шаруашылығы субсидиясына мал азығына , жем-шөпке қарсы төленетіндігін айтты, сауынды сиырларға сүтінің литріне 20 тг, таза асыл тұқым бір басқа төрт жүз мыңға жуық теңге, жылқы жануарының жем-шөбіне отыз мың көлемінде, түйе жануарына 20 мың көлемінде ақша берілетіндігін айтты.
Күн тәртібіндегі мәселе бойынша Шымкент «Жол-көлік» колледжі директорының орынбасары, №51 жалпы орта мектебінің түлегі Ешимов Берік Рақыманбердіұлы сөз алды. Бідің басты мақсатымыз балалардың өз елін қадірлей білуге, отансүйгіштікке, басқа ұлттың тарихын,құрметтеуге үйрету Отанын сүюге тәрбиелеу болып табылады. ҚР заңнамасына сәйкес 174 бабында ұлт аралық араздасу бабында ұлт аралық қатынас жайлы заңнамалар жазылған, және барлығымз тату тәтті, бейбіт өмірде өмір сүріп жатқандығын айтты. Ынтымақ болса,бірлік болады.Ал бірлік болған жерде ырыс, береке қонады. Қазақстанда көптеген халықтар бір-бірімен дос, бауыр, ағайын-туыс болып, тату өмір сүрудеміз деп сөзін аяқтады.
Қаулы
- 1. Сыбайлас жемқорлықтың алдын алу бойынша жоспар бойынша жұмыстар жүргізілсін.
- 2. 1-11 сынып оқушылары арасында этносаралық қатынасты нығайту және жастар арасында, құқықбұзушылықтың алдын алу барысында пікірталас және дөңгелек үстел ұйымдастырылсын.
